Ndalesat
12 ndalesa, 12 vargje
Ndiqni fillin e kuq nga shtëpia e Fishtës te bujtina Vitoria. Çdo ndalesë ka mikpritjen e vet dhe një varg të Fishtës.
Rrëshqitni poshtë
Porsi kanga e zogut t'verës,
qi vallzon n'blerim të prillit;
Shtegu i
Poezisë
Fishtjane
23–25 tetor 2026
Shtegu
Një udhëtim në vendlindjen e Gjergj Fishtës
Shtegu i Poezisë Fishtjane bashkon poezinë, natyrën, traditën, gastronominë dhe mikpritjen në një përvojë të vetme. Ecni nëpër fshatin dhe natyrën e Fishtës, lexoni vargjet e tij në tabela përgjatë rrugës dhe ndaloni në bujtinat e fshatit.
Ec
12 ndalesa dhe rreth 5 km nëpër fshat dhe natyrë.
Lexo
Vargje të Fishtës në tabela përgjatë shtegut.
Shijo
Gatime tradicionale në çdo ndalesë.
Përjeto
Mikpritjen e bujtinave dhe jetën e fshatit.
Gjergj Fishta
Homeri shqiptar, i lindur në Fishtë
Gjergj Fishta lindi në Fishtë më 23 tetor 1871. Frat françeskan, poet dhe atdhetar, ai kryesoi komisionin e alfabetit në Kongresin e Manastirit dhe shkroi «Lahutën e Malcís», eposin kombëtar shqiptar.
Më 23 tetor 2026 mbushen 155 vjet nga lindja e tij.
- 1871Lind në Fishtë të Zadrimës.
- 1908Kryeson komisionin e alfabetit në Kongresin e Manastirit.
- 1913Boton «Mrizi i zanave».
- 1919Sekretar i përgjithshëm i delegacionit shqiptar në Konferencën e Paqes në Paris.
- 1937Botohet e plotë «Lahuta e Malcís».
- 1940Ndërron jetë më 30 dhjetor.
Edhè hâna do t' a dijë,
Edhè dielli do t' két pá,
01 / 12
12 ndalesa
1Nisja
Shtëpia e Gjergj Fishtës
Në tryezë
- Petulla
- mjaltë
- djathë
- ujë
- raki
Porsi kanga e zogut t'verës,
qi vallzon n'blerim të prillit;
2
Shporta e Zadrimës
Në tryezë
- Byrek me qepë dhe domate të thata
- dhallë
- ujë
Fusha t' gjâna e kodra t' blera,
Zijes s' mnershme larg kû âsht droja,
3Vendlindja
Memoriali i Gjergj Fishtës
Në tryezë
- Bukë misri me shëllirë
- ullinj
- verë e bardhë
- ujë
Shqyp na vete, po pik' mâ para,
n'agim t'jetës kur kemi shkue,
4Bujtinë
Si n'Shpi Tande
Në tryezë
- Laknor me oriz
- lëng ftoi
porsi i ambli flladi i erës,
qi lmon gjit e drandofillit;
5Punishte
Mobileri Koleci
Në tryezë
- Pulendër me salçiçe viçi
- verë e kuqe
Nën nji qiellë përherë t' kullueme,
N' rreze e n' dritë përshkue unjí,
6Bujtinë
Me Ra
Në tryezë
- Pogaçe
- djathë dhie
- raki
Me gaz t' vet ktû i veshë Prendvera,
Si t' Parrizit t' larmet shtroja.
7Fermë
Ferma e Nardit
Në tryezë
- Pilaf me lëng rose
- verë e kuqe
tue ndjekë flutra nëpër ara,
shqyp mâ s'pari kemi kndue:
8Bujtinë
Tringa
Në tryezë
- Laknor me arra
- lëng shege
porsi drita plot uzdajë,
porsi gazi i pamashtri;
9Bujtinë
Koleci
Në tryezë
- Laknor me kungull
- lëng molle
Bjeshkë e male të blerueme
Si vigâj shtiellen n' ajrí.
10Bujtinë
Fishta
Në tryezë
- Gështenja të pjekura
- verë e ngrohtë
Në gjuhë shqype nanat tona
qi prej djepit na kanë thânun,
11Agroturizëm
Mrizi i Zanave
Në tryezë
- Pastërma lope ose derri
- djathë kaçkavall
- verë e Mrizit
Kroje t' kjarta e t' cemta gurra,
Tue rrëmbye npër mriza hale,
12Fundi
Vitoria
Në tryezë
- Përpeq
- musht çeleku
- liker arre
Ah! po; â' e ambël fjala e sajë,
porsi gjumi m'nji kërthi,
Fundi i shtegut
Shtegu mbyllet te bujtina Vitoria
Si të vini
Fshati Fishtë ndodhet në Zadrimë, afër Lezhës.
- Tirana
- 1 orë e 15 min · 77 km
- Aeroporti i Tiranës
- 1 orë · 61 km
- Shkodra
- 40 min · 32 km
- Lezha
- 25 min · 18 km
Nga rruga SH1, dilni te Blinishti. Ka parkim në nisje. Nuk ka transport të organizuar.
Hap nisjen në Google MapsRruga e vizatuar është paraprake.
Programi
Tri ditë, i njëjti shteg
23E premte
tetor 2026Ditëlindja e Fishtës · 155 vjet
Hyrja09:00–15:00
24E shtunë
tetor 2026Hyrja09:00–15:00
25E diel
tetor 2026Hyrja09:00–15:00
- Hyrja
- 09:00–15:00
- Gjatësia
- Rreth 5 km
- Kohëzgjatja
- Rreth 2 orë
- Bileta
- 1000 lekë për person
- Fëmijët deri në 12 vjeç
- Falas
Rezervo
Rezervo vendin tënd
Rezervimi na ndihmon të përgatisim ushqimin për të gjithë. Do të merrni një kod për ta treguar në nisje. Bileta paguhet në nisje, 1000 lekë për person. Fëmijët deri në 12 vjeç hyjnë falas.
Info
Pyetje të shpeshta
A duhet të rezervoj?
Ju lutemi rezervoni, që të përgatisim ushqimin për të gjithë. Pa rezervim, bileta blihet në nisje.
Sa kushton?
1000 lekë për person. Fëmijët deri në 12 vjeç hyjnë falas. Pagesa bëhet në nisje.
Sa zgjat shtegu?
Rreth 5 km dhe 2 orë, me ndalesa të shkurtra në çdo bujtinë. Hyrja është nga ora 09:00 deri në 15:00.
Për kë është i përshtatshëm?
Për fëmijë, të moshuar dhe kafshë shtëpiake. Nuk është i përshtatshëm për karroca fëmijësh.
Ku nis shtegu dhe ku ka parkim?
Te shtëpia e Gjergj Fishtës në Fishtë, ku ka edhe parkim. Nuk ka transport të organizuar.
Sa persona mund të ketë një rezervim?
Deri në 15 persona, të rritur dhe fëmijë bashkë.
Si e tregoj biletën?
Tregoni kodin ose kodin QR në nisje. Nëse e humbni, mjafton emri.
Po nëse bie shi?
Shtegu zhvillohet në çdo mot. Merrni këpucë të rehatshme dhe një xhaketë shiu.